يوميات عوانس سيتي
عاد ماهوب من كبرنا تونا في عمر الزهور بس ياشين قعدت البيت تكبرك لو كنت صغير خخخ
تصدقون عاد فكرة كتابة يومياتنا تدور بروسنا انا وصاحباتي من زمان لانها من وجهة نظرنا تستحق ان نخلد ذكراها وهي ليست من نسج الخيال انما ايام مرت علينا بزينها وشينها وياكثر زينها وياقل شينها ولله الحمد مواقفنا في المدرسه وادارة المدرسه وغرفة المديرة اللي ماشاء الله علينا معسكرين فيها وانتقل حظنا النحس معنا إلى الكلية ونقضنا خيامنا من غرفة المديرة ونصبناها في غرفة العميده عاد يقال والعهده على الراوي أن طالبات الكليات الأخرى مايعرفون عميدة كليتهم لكن احنا بما اننا سبشل وكليتنا سبشل وعميدتنا ام قرنين تصدقون انها تسوي لها ظفيرتين سبشلين بعد زي هذي فلازم حالفه علينا مانصبح الا بوجهها فقلنا بس مابدهاش لازم ننصب خيامنا عندها متى مااعتازتنا تلقانا حولها
نتمنى تحوز على اعجابكم وان ماحازت على اعجابكم فأقول ماعندكم سالفه
بس ياسبحان الله هالفكرة ماطبخت ونضجت براسي الا قبل العشر الاواخر عشان تشغلكم عن هاالايام المباركة واتحمل انا وزركم >>واثقة الاخت انكم تتابعونها
قلت خلني انزل مقدمه عن الموضوع وعن فكرته اذا لقيت تأييد وتشجيع واصلت واذا ماحد عطاني وجه خميت قشي وحملت كيبوردي على ظهري ورحلت وبعد ابي اشاور عنوساتي حبيباتي واطلب منهم امدادات لبعض المواقف اللي ماتحضرني تعرفون فاضيات وعندنا طاقه وراح نفرغها فيكم والله يعينكم وبعدين ترى فيه عروض مميزة لدينا اللي عندها عريس ترسله لنا نعطيه وحده من العوانس بخصم 50%وثنتين معها مجانا لاتفوت الفرصه حيخلصوه مدة العرض مدى الحياة أو الى حين ايجاد عريس عاد ماهنا تشرط العريس مطلوب ايا كان نوعه
لاتذهبوا بعيدا ترقبونا بعد رمضان إلى اللقاء